Telemark Bilruter AS

Lokalisering og Verksemd
Telemark Bilruter AS (TBR) har hovudkontor i Seljord (finn kjørerute), med avdelingskontor i Vinje, Vrådal og Skien og ekspedisjonar i Åmli, Treungen, Fyresdal, Dalen og Bø. Hovudverksemda til selskapet består av lokalruter, ekspressruter, turkøyring og godstransport. Godstransporten er i hovudsak organisert i dotterselskapa Telemark Transportservice og Telemark Godslinjer.

Eigarstruktur og Organisasjon
Eigarstrukturen fordelar seg mellom 3 hovudgrupperingar beståande av privatpersonar, Vest-Telemark kommunane og andre bedrifter. Styreformann i Telemark Bilruter er Birger Nygård og disponent er Svein Olav Straand.

Bemanning og Vognpark
I 2010 var det 113 tilsette i Telemark Bilruter som omrekna i årsverk utgjer 95. Ved utgangen av 2010 bestod vognparken 104 registrerte køyretøy fordelt på 80 bussar, 7 kombibussar, 1 vogntog, 6 lastebilar 7 småbilar⁄tilhengarar og 2 veteranbussar.

Nøkkeltal og Produksjon
TBR hadde ei omsetning i 2010 på 107 mill.kr., resultat før skatt på 4,8 mill.kr. og ein eigenkapitalgrad på 44,5%. Samla kilometerproduksjon var i 2010 på 3,7 mill.km.

Konsernet

Organisasjon og eigarstruktur
Konsernet Telemark Bilruter består i dag av dotterselskapa: Telemark Godslinjer AS (TG), Telemark Transportservice AS (TTS), Telemark Transport & Spedisjon AS og Telemark Ekspressbusstrafikk AS (TET).

Sjå organisasjonskart

Lokalisering, Bemanning og Omsetning
Telemark Godslinjer held til i Seljord medan resten av selskapa er lokalisert i Skien. Det er samla 175 tilsette i konsernet som i 2010 hadde ei omsetning på 170 mill.kr

Persontransport
Lokalruter: Telemark Fylkeskommune er hovudoppdragsgjevar for lokalrutene innanfor kommunane, Vinje, Tokke, Kviteseid, Seljord, Nissedal, Fyresdal, Bø, Siljan og Skien. For Aust-Agder Fylkeskommune køyrer vi lokalrutene i Åmli og ruta frå Vrådal til Arendal.

Haukeliekspressen (Nor-Way) blir køyrd i samarbeid med Tide Buss og trafikkerer strekninga Oslo - Drammen - Kongsberg - Notodden - Bø - Seljord - Åmot - Haukeli - Bergen⁄Haugesund med inntil 4 daglege avgangar kvar veg.

Grenlandsekspressen (Nor-Way) er saman med Telemarkekspressen drifta i Telemark Ekspressbusstrafikk som no er heileigd av Telemark Bilruter og trafikkerer strekninga Skien - Siljan -Hvittingfoss - Drammen - Oslo med 8 daglege avgangar kvar veg.

Telemarkekspressen (Nor-Way) trafikkerer strekninga Seljord - Bø - Ulefoss - Skien - Larvik - Sandefjord - Torp - Tønsberg med inntil 20 daglege avgangar kvar veg med vidare korrespondanse med tog⁄buss til Oslo og Gardermoen.

Kanalbussen køyrer strekninga Skien - Ulefoss - Lunde - Kviteseid - Dalen i sommarhalvåret i samband med båttrafikken på Telemarkskanalen.

Godstransport
Langtransport: Telemark Godslinjer AS trafikkerer strekninga Oslo⁄Vestfold - Bergen⁄Haugesund for Schenker med 14 vogntog over Haukelifjellet. Selskapet har også 10 trelastbilar (3 med kran) i køyring for Bergene Holm og andre kundar i Sør Noreg.

Distribusjon: Telemark Transportservice AS har distribusjonskøyring for Schenker i Grenland og Vestfold, medan Telemark Transport & Spedisjon tek på seg oppdrag for andre kundar i det same området.

Stykkgods: Telemark Bilruter har inntil 5 stykkgodsbilar som distribuerer varer frå Schenkerterminaler i Sandefjord til kundar i Midt- og Vest-Telemark kvar dag.

Kombinertbussar trafikkerar strekninga Arendal-Åmli- Treungen-Vrådal-Fyresdal daglig med varer og passasjerar.