Telemark Bilruter - Om Telemark Bilruter

Lokalisering

Telemark Bilruter AS (TBR) har hovudkontor i Seljord, med avdelingskontor i Vinje, Vrådal og Skien.

Hovudkontoret i Seljord	Avdelingskontor i Vinje
Avdelingskontor i Vrådal	Avdelingskontor i Skien

Verksemd

Telemark Bilruters primære verksemd er å køyre lokalruter og ekspressruter og drive turkøyring og godstransport.

Ekspedisjon og ruteinformasjon	Venterom med handicaptoalett
Stor kundeparkering	Eigne tankanlegg med kortautomat
Eigne vaskehallar	Eigne verksteder

Eigarstruktur

Talet på aksjar i Telemark Bilruter er på 10.803. 40% av aksjane er på private hender, 32% er eigd av kommunar og 28% av andre selskap. Dei største eigarane er Vinje kommune 17,7%, Seljord Sparebank 10%, Fyresdal kommune 8,3%, Vrål Fossli 5,0%, Tide ASA 3,9%, Haugerød & Nilsen 3,7% og Tinn Billag 3,4%.

Organisasjon

Styreleiar i Telemark Bilruter er Arve Egenæs. Organisasjonskartet er som vist under:

Bemanning

I 2007 var det 145 tilsette som omrekna i årsverk utgjer 123,8.

Vognpark

Ved utgangen av 2007 bestod vognparken av 72 bussar, 8 kombibussar, 15 vogntog og 12 lastebilar.

Omsetning

TBR hadde ei omsetning i 2007 på 117,5 mill.kr. mot 116,5 mill.kr. i 2006.

Produksjon

Samla kilometerproduksjon var i 2007 på 5,6 mill.km. Av dette utgjer gods 2,0 mill.km.

Konsernet Telemark Bilruter og tilknytta selskap

Telemark Bilruter AS eig 65% av Telemark Transportservice AS i Skien som driv med godsdistribusjon i Telemark og Vestfold for Schenker. Omsetningen i 2007 var på 25,4 mill.kr.

Køyringa til Grenlandsekspressen og Telemarkekspressen er organisert som eige selskap Telemark Ekspressbusstrafikk AS der Telemark Bilruter eig 50%. Selskapet omsette for 40,7 mill.kr. i 2007.

Skien Dalen Skipsselskap AS eig og driv kanalbåtane Henrik Ibsen og Victoria som båe trafikkerer Telemarkskanalen. Telemark Bilruter har ein eigarandel på 25% i selskapet

Telemark Bilruter eig 27% i Telemark Kollektivtrafikk AS som vann tilbodsrunden om køyring for Telemark Fylkeskommune i Grenland i perioden 2005 til 2010.

Persontransport

Lokalruter

Telemark fylkeskommune er hovudoppdragsgjevar for lokalrutene innanfor kommunane, Vinje, Tokke, Kviteseid, Seljord, Nissedal, Fyresdal, Bø, Siljan og Skien.

For Aust-Agder fylkeskommune køyrer vi lokalrutene i Åmli og ruta frå Vrådal til Arendal.

Haukeliekspressen

Haukeliekspressen blir køyrd i samarbeid med TIDE og trafikkerer strekninga Oslo – Drammen – Kongsberg –

Notodden – Bø – Seljord – Åmot – Haukeli - Odda-Haugesund med inntil 4 daglege avgangar kvar veg.

Fleire avgangar på fredag og søndag.

Grenlandsekspressen

Grenlandsekspressen er ei samarbeidsrute med Nettbuss Sør og trafikkerer strekninga Porsgrunn – Skien – Siljan – Hof – Drammen – Oslo med inntil 10 daglege avgangar kvar veg.

Telemarkekspressen

Telemarkekspressen er og ei samarbeidsrute med Nettbuss Buskerud/Vestfold, som starta opp 7. januar 2002 og

trafikkerer strekninga Seljord – Bø – Ulefoss – Skien – Larvik – Sandefjord – Torp – Tønsberg med inntil 17 daglege

avgangar kvar veg med vidare korrespondanse med tog/buss til Oslo og Gardermoen.

Kanalbussen

Kanalbussen køyrer strekninga Skien – Ulefoss – Lunde – Kviteseid – Dalen i sommarhalvåret i samband med båttrafikken på Telemarkskanalen.

Godstransport

Partilast

Telemark Bilruter trafikkerer strekninga Oslo/Vestfold – Bergen/Haugesund for Schenker med inntil 15 vogntog kvar dag over Haukelifjellet.

Stykkgods

Inntil 5 stykkgodsbilar distribuerer varer frå Schenker terminalen i Sandefjord til kundar i Midt- og Vest-Telemark kvar dag.